السلام علیکم ورحمۃ اللہ وبرکاتہ 
اُمید ہے کہ آپ حضرات خیریت سے ہوں معزز علمائے کرام کی بارگاہ میں میرا سوال ہے کہ جنازه کے آگے چلنا کیسا ہے با حوالہ جواب عنایت فرما کر شکریہ کا موقع دیں 
 سائل : خلیل احمد برکاتی پتہ : اناؤ یوپی 

وعلیکم السلام ورحمۃ اللہ وبرکاتہ
الجواب بعون الملک الوہاب 
جنازہ کے آگے چلنا منع ہے اگر کوئ آگے چلتا ہے تو انہیں دور چلنا چاہیئے کہ جنازہ کے ساتھ چلنے والوں میں ان کا شمار نہیں ہونا چاہیئے, ہاں اگر سواری پر ہےتو آگے چلنا مکروہ ہے; لیکن سواری پر جنازہ سے دور ہو تو حرج نہیں , 
جیسا کہ حضور صدر الشریعہ رضی اللہ تعالیٰ عنہ تحریر فرماتے ہیں کہ ;جنازہ کے آگے کوئ چلے تو اسے چاہیئے کہ اتنی دور رہے کہ ساتھیوں میں شمار نہ کیا جائے , اور سواری پر ہے تو آگے چلنا مکروہ ہے اور آگے ہو تو جنازہ سے دور ہو ;اھ 
(بہار شریعت , ج ,1 , ح,4, جنازہ لے چلنے کا بیان , ص 823 , مکتبہ دعوت اسلامی) 
 فتاویٰ فقیہ ملت میں ہیں کہ ;کسی شخص کا جنازہ کے آگے چلنا غلط ہے البتہ اگر کوئ جنازہ کے آگے چلنا چاہے تو وہ اتنی دور ہو کہ جنازہ کے ساتھ والوں میں اس کا شمار نہ کیا جائے ;اھ (فتاویٰ فقیہ ملت ,ج 1 ص 258 کتاب الجنائز) 
واللہ اعلم بالصواب 
کتبہ؛ محمد ریحان رضا رضوی 
فرحاباڑی ٹیڑھاگاچھ وایہ بہادر گنج ضلع کشن گنج بہار انڈیا موبائل نمبر 
6287118487 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
ذی الحجہ16/12/1444/ہجری 
جولائ5/7/2023/ عیسوی بروز بدھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
منجانب محبان اہلبیت گروپ 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔