السلام علیکم و رحمۃ اللہ و برکاتہ 
 چوری کا سامان خرید نا جائز ہے یا نہیں ۔ 
جواب عنایت فرما کر شکریہ کا موقع دیں 
سائل کونین رضا سيوان 

وعلیکم السلام ورحمۃ اللہ وبرکاتہ 
الجواب بعون الملک الوہاب 
چوری کا مال خریدنا جائز نہیں کہ یہ مال غیر کا ہوتا ہے اور اس کی اجازت کے بغیر کسی کو تصرف کرنا جائز نہیں , بلکہ یہ مال ان تک جو اصل مالک ہے لوٹا دیا جائے اگر پتہ نہ چل سکے تو ان کے وارثوں کو دے دیا جائے اگر وارثوں کا بھی پتہ نہ چل سکے تو فقراء کو دے دیا جائے , ہاں یہ جانتے ہوئے کہ یہ مال مسروق ہے تو فروخت کرنا اور خریدنا ,استعمال کرنا حرام ہے , 
فرمان مصطفیٰ صلیٰ اللہ علیہ وسلم ہے. جس نے چوری کے مال کو جاننے کے باوجود (وہ مال) خریدا وہ اس کے عیب اور گناہ میں شریک ہوگیا؛ (شعب الایمان، الحدیث ۵۵۰۰، جلد۴، صفحہ ۳۸۹) 
اور سرکار اعلیٰ حضرت امام احمد رضا خان فاضل بریلوی رضی اللہ تعالیٰ عنہ تحریر فرماتے ہیں کہ ;چوری کا مال دانستہ(جان بوجھ کر) خریدنا حرام ہے بلکہ اگر معلوم نہ ہو مظنون (گمان) ہو جب بھی حرام ہے مثلاً کوئی جاہل شخص کہ اس کے مُوْرِثِیْن بھی جاہل تھے کوئی عِلمی کتاب بیچنے کو لائے اور اپنی مِلک بتائے اس کے خریدنے کی اجازت نہیں اور اگر نہ معلوم ہے نہ کوئی واضح قرینہ تو خریداری جائز ہے، پھر اگر ثابت ہوجائے کہ یہ چوری کا مال ہے تو اس کااستعمال حرام ہے بلکہ مالک کو دیا جائے اور وہ نہ ہو تو اس کے وارِثوں کو، اور اُن کا بھی پتہ نہ چل سکے تو فُقَرَاء کو دے دیا جائے ;اھ
 (فتاویٰ رضویہ ج 21 ص 165 رضا فاؤنڈیشن )
 واللہ اعلم بالصواب 
  کتبہ؛ محمد ریحان رضا رضوی 
فرحاباڑی ٹیڑھاگاچھ وایہ بہادر گنج ضلع کشن گنج بہار انڈیا موبائل نمبر 6287118487 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
 ذی الحجہ ,5/12/1444 ہجری 
جون,24/6/2023,عیسوی بروز ,سنیچر 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
منجانب محبان اہلبیت گروپ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔