السلام علیکم ورحمۃ اللہ وبرکاتہ 
ضعیف حدیث کیسے کہتے ہیں؛ سائلہ؛ نام شازیہ خاتون جھارکھنڈ 

وعلیکم السلام ورحمۃ اللہ 
الجواب بعون الملک والوہاب 
حدیثِ ضعیف" کو سمجھنے سے پہلے "حدیث حسن" کی تعریف سمجھنا ضروری ہے۔"حدیث حسن" وہ حدیث ہے، جس کی سند میں درمیان سے کوئی راوی نہ چھوٹا ہو، بلکہ وہ حدیث واسطہ در واسطہ حضور صلی اللہ علیہ وسلم تک متصل ہو اور اس کے تمام راوی ثقہ معتبر ومعتمد اور عادل ہوں، مگر اُن میں سے ایک یا متعدد راویوں کی حفظ و یادداشت میں کچھ کمی ہو اور اس حدیث کا کوئی راوی حدیث بیان کرنے میں اپنے سے زیادہ قوی و معتمد راوی کی مخالفت بھی نہ کرتا ہو اور نہ ہی اس حدیث میں کوئی ایسا مخفی عیب ہو، جس سے اس حدیث کی صحت پر اثر پڑ رہا ہو۔ 
"حدیث ضعیف" کی تعریف لغوی اعتبار سے "ضعیف" بمعنی کمزور ہے ۔ اصطلاحی مفہوم میں"ضعیف" وہ حدیث ہے، جس میں حدیثِ حسن کی شرائط مکمل طور پر نہ پائی جاتی ہوں۔ 
واللہ تعالی اعلم بالصواب 
جاری کردہ؛ محمد عارف رضوی قادری گونڈوی