السلام علیکم ورحمۃ اللہ وبرکاتہ 
کیا فرماتے ہیں علمائے کرام اس مسلئہ کے بارے میں کہ غیر مسلم سے ختنہ کرانا شرعاً کیسا ہے 
سائل ،، محمد فریاد علی بریلی شریف یوپی 

وعلیکم السلام و رحمۃ اللہ وبرکاتہ 
بسم اللہ الرحمن الرحیم 
الجواب: بہتر و مناسب یہی ہے کہ کسی مسلمان ماہر ڈاکٹر سے ختنہ کرائے تاہم اگر کوئی غیر مسلم ڈاکٹر ختنہ کرنے میں ماہر ، تجربہ کار اور جانکار ہو تو اس سے بھی ختنہ کرانے میں کچھ حرج نہیں ۔
ردالمحتار میں ہے کہ " فیہ اشارۃ الی ان المریض یجوز لہ اں یستطب بالکافر فیما عدا ابطال العبادۃ " اھ( ج:3/ص:404/ کتاب الصوم/ باب ما یفسد الصوم وما لا یفسدہ دار عالم الکتب) 
واللہ تعالیٰ اعلم 
کتبہ؛ اسرار احمد نوری بریلوی عفی عنہ

15۔۔محرم الحرام ۔۔۔1445ھ 
2۔۔۔اگست۔۔۔2023۔۔۔بروز بدہ