السلام علیکم ورحمۃ اللہ وبرکاتہ
کیا فرماتے ہیں علماء کرام و مفتیان عظام اس مسئلہ کے بارے میں۔ کہ بلی کا خرید و فروخت کرنا کیسا ہے؟
المستفتی محمد رضوان اشرفی گجرات ۔
وعلیکم السلام ورحمۃ اللہ وبرکاتہ
الجواب بعون الملک الوھاب
بلی خریدنا بیچنا دونوں جائز ہے؛ فتاویٰ شامی میں ہے
(وصح بيع الكلب والفهد و الفيل والقردو السباع بسائر انواعها حتى الهرة و كذا الطيور اھ)
یعنی کتا چیتا ہاتھی بندر اور تمام اقسام کے درندے یہاں تک کہ بلی اور اسی طرح پرندوں کی خرید و فروخت صحیح ہے اھ
(فتاویٰ شامی ج 7 ص 505 )
بہار شریعت میں ہے کتا بلی ہاتھی چیتا باز شکرا بہری ان سب کی بیع جائز ہے
(جلد 2، صفحہ 809 مسئلہ نمبر 2 بیع کے متفرق مسائل )
واللہ اعلم بالصواب
کتبہ؛ محمد ریحان رخا رضوی
بہادر گنج
ضلع کشن گنج بہار
ــــــــــــــــــــــــــــــــــــــــــــــــــــ
منجانب؛ اعلی حضرت زندہ بادگروپ
0 تبصرے