السلام علیکم ورحمۃ اللہ وبرکاتہ 
سوال؛ انسان جب مرتا ہے تو دفن کیا جاتا ہے میرا سوال یہ ہے کہ جنات جب مرتے ہیں تو کیا ہوتا ہے؟ سائل محمد شاکر رضا ممبئی 

وعلیکم السلام و رحمۃ اللہ وبركاتہ 
الجواب بعون الملک الوہاب 
 جب جنات مرتے ہیں تو زمین میں غائب ہو جاتے ہیں، کیونکہ جب رب العزت نے ابو الجنات کو پیدا کیا تو اس کی تمنا پوچھی: اس نے کہا میری تمنا یہ ہے کہ ہم سب کو دیکھیں اور ہمیں کوئی نہ دیکھے اور ہم زمین میں چھپ جائیں... تو اللہ تعالیٰ نے اس کی یہ تمنا پوری فرما دی اسی لیے جنات ہم سب کو دیکھتے ہیں لیکن ہم لوگ انہیں نہیں دیکھ پاتے اور جب وہ مرتے ہیں تو زمین میں غائب ہو جاتے ہیں اور ان کا بوڑھا بھی جوان ہو کر مرتا ہے. 
 چنانچہ بدر الدین محمد بن عبد اللہ شبلی علیہ الرحمہ (المتوفی ٧٦٩ ھ) لکھتے ہیں: "ﻓﻬﻢ ﻳَﺮﻭﻥ ﻭﻻ ﻳُﺮﻭﻥ ﻭﺇﺫا ﻣﺎﺗﻮا ﻏﻴﺒﻮا ﻓﻲ اﻟﺜﺮﻯ ﻭﻻ ﻳﻤﻮﺕ ﻛﻬﻠﻬﻢ ﺣﺘﻰ ﻳﻌﻮﺩ ﺷﺎﺑﺎ." (آكام المرجان في أحكام الجان، الباب الثاني في ابتداء خلق الجن، ص ١٢، دار الكتب العلمية، بيروت) 
واللہ اعلم بالصواب 

جاری کردہ؛ محمد عارف رضوی قادری گونڈوی